Sundlaugin Varmalandi

Sundlaugin á Varmalandi er staðsett í Borgarfirði, skammt frá Baulu, og er opin almenningi yfir sumarmánuðina. Þar er 25 x 12,5 metra útilaug með heitum potti og sólbaðsaðstöðu. Einnig er gufubað á staðnum og nýuppgerður tækjasalur, auk íþróttasalar sem hægt er að leigja. Tjaldsvæði er rekið á svæðinu yfir sumarið og nýtist það vel í tengslum við sundlaugina og aðstöðu fyrir ferðafólk, sumarbústaðagesti og hópa. Hægt er að hafa samband við starfsmann vegna aðgangs utan hefðbundins opnunartíma ef þörf krefur. Í nágrenni sundlaugarinnar er einnig félagsheimilið Þinghamar, sem er leigt út til viðburða á borð við ættarmót og samkomur.