Sundlaugin Suðureyri

Sundlaugin á Suðureyri er eina útilaugin í Ísafjarðarbæ og hefur verið í notkun síðan 1992. Hún er 17 metra löng og staðsett við íþróttamiðstöðina, sem tengir saman sundlaugina og grunnskólann á staðnum. Við laugina eru tveir heitir pottar og vaðlaug fyrir yngri sundgesti. Í húsinu er einnig líkamsræktarsalur og íþróttasalur sem nýtist bæði íbúum og gestum. Suðureyrarlaug nýtur sérstakrar hylli yfir sumarmánuðina, enda er hún eini staðurinn í sveitarfélaginu þar sem sundið fer fram utandyra.