Sundlaug Patreksfjarðar

Sundlaugin á Patreksfirði er hluti af Íþróttamiðstöðinni Bröttuhlíð sem var tekin í notkun árið 2005. Aðstaðan samanstendur af 16,7 metra útisundlaug, tveimur heitum pottum, vaðlaug og gufubaði. Laugin er með góðu sólbaðssvæði og útsýni yfir Patreksfjörð. Inni í íþróttamiðstöðinni er tækjasalur, um 140 fermetrar að stærð, með fjölbreyttum æfingatækjum. Þar er einnig stór íþróttasalur sem nýtist til íþrótta og viðburða. Tjaldsvæði er í göngufæri við íþróttamiðstöðina. Aðstaðan er opin almenningi og nýtist jafnt heimafólki sem og gestum.